So Bar (已結業)

今日系值得香港人纪念嘅日子，就系终于有返晚市堂食！既然咁高兴，就约咗老公今晚出尖沙咀，支持吓香港嘅饮食业。位于加连威老道之上，最大个招牌嘅餐厅莫过于呢间苏妈苏妈XSo Bar，佢哋虽然同一个老板，但其实系两间定位截然不同嘅餐厅。苏妈苏妈喺深水埗已经食过好几次，所以今日我哋就决定选址So Bar。So Bar顾名思义系走酒吧路线，设有室外同室内座位，我哋今日就选择咗坐喺室内。餐厅内环境宽敞，装修布置甚有格调，so chill！呢度嘅菜式系带有马来特色风味嘅fusion菜。而既然系酒吧，当然会有特色调配嘅Cocktail。第一次嚟，菜式又比较特别，我哋起初都毫无头绪。店员见我哋睇咗咁耐餐牌，就介绍我哋食呢个马来亚当归烧春鸡。烧春鸡嘅size都唔小，足够2-4人分享。第一啖咬落去已经有芬香扑鼻嘅当归味，而佢嘅生熟度都控制得宜，肉质仍然保持鲜嫩而且充满肉汁，就算鸡胸肉亦都非常嫩滑。而且仲有薯角伴碟，原个薯仔切成粗条然后再炸，外脆内软，十分欣赏佢连配菜都做得非常出色。因为老公怕辣，所以我哋就拣咗唔辣嘅奶油大虾意粉。大虾系大头虾，外壳充满奶油汁，肉质爽口弹牙。意粉每条都平均沾有奶油，仲带点微微椰香