Garden Bar & Restaurant

营业中

休息中

餐厅环境好chill，影相打卡一流，店员好细心服务超好！啱晒钟意饮下酒同friend叙旧倾吓偈嘅朋友，本身餐厅仲有live band 可惜疫情期间暂停。提提大家因为餐厅系酒类所以防疫规定记住做快速测试喇！渍物拼盘(鲣蒜味噌，红酒荞头，牛蒡酱酒): 虽然味道偏重，但唔会太咸，越食越想食劲开胃！串烧(猪，鸡): 烧得啱啱好，唔会太干咬落去仲有汁，点埋个沙嗲酱简直绝配，劲多花生粒，超惹味！黑松露什菌 Pizza: 极薄薄饼！友人挂住影相打卡虽然冻左少少但都劲脆！咬落去卡卡声！黑松露配芝士劲香唔会好重口味，加埋什菌中和返唔会利！泰式烧猪颈肉: 烧得啱啱好，唔会太干咬落去啲汁爆晒出嚟，侧边位仲烧到脆卜卜，点埋个泰式酱汁简直绝配，不过唔食得辣嘅朋友就唔好点个汁喇！泰式烤全鱼(鲗鱼): 估唔到条鱼咁大条！店员劲细心咁帮我哋起咗鱼皮，条鱼劲滑劲鲜甜多汁！唔点汁已经超好味，极推介！点埋个泰式酱汁更惹味！不过唔食得辣嘅朋友就唔好点个汁喇！提提大家条鱼平日系好少有，如果想试嘅朋友就记得几日前订定喇！