COBALT

营业中

休息中

好耐都冇约朋友出黎Chill,咁啱落左几日雨终于放晴，就约朋友出黎食个cill lunch。 朋友话大角咀开左好多新食肆，所以就约黎大角咀既Cobalt。行过大角咀既内街，直到Cobalt, 周围真系开左唔少新食肆，下次都可以再黎食多啲野。Cobalt 门面好靓，系酒吧既格局，但都有正餐食，好唔错。因为系酒吧，我同朋友一坐底就叫左2杯惠比寿啤饮，超爽。跟住就叫左XO辣酱蟹肉扁意粉。 个扁意粉唔错，好多蟹肉，辣味都刚刚好。 食辣既意粉感觉好得意。 而且佢既份量都ok, 2人食都够，唔怕太少。然后更系要试下佢地既扒类。 我地叫左烤美国草饲安格斯西冷扒，5成熟。 好多配菜，块扒都算厚，但就瘦左啲，如果肥返少少就可以有多啲肉汁，好味啲。整体都好唔错，下次可以再黎食下其他野。