老虎堂黑糖專売 (已搬遷) 新店位置

我同好多香港人一样都钟意饮珍珠奶茶，除了会喺香港饮，去到台湾更加疯狂，每日都去试饮不同brand嘅珍珠奶茶。其实喺台湾我都饮过老虎堂，前排屯门开老虎堂分店，都谂住一试，但见人流实在太多，所以一直未有机会。直至上星期，再访屯门，可能是平日下午关系，排10分钟左右就有得饮，真系超开心！今次试，拣咗波霸鲜奶，啲黑糖整成嘅「虎纹」好靓，同喺台湾完全一样。虽然甜度无得拣，但珍珠就有大细，及混合大细珠。我见平时饮开都系大珠，今次试下大细珠。一饮觉得口感真系好特别，大嘅烟韧，细嘅就好似食西米一样，两沟效果出奇地夹，建议会去的朋友一定要试下！至于个味道，绝对无令人失望，超好饮，so far系我饮咁多间最好味，个黑糖加上奶，甜度刚刚好，奶又滑，一口气差不多饮咗3分1杯。值得俾个赞嘅仲有帮手落单的员工，好礼貌，就算我企响度考虑左一阵（系喇！我认有少少选择障碍症！XD），都好有心机介绍！而且由落单至杯波霸在手，只系10分钟内，效率超快！下次都要再帮衬！