外野手 (已結業)

寻晚一行三人去食，我地本来食尾轮(8:30-10:00)，不过佢话因为订台既人唔多，可以八点比台我。八点去到仲有几台人未走，D位都几迫。坐低点左鱼生，寿司和天妇罗，鱼生都算新鲜，天妇罗亦唔差，后来每样都叫D，有热锅有串烧有鱼生寿司，都算黎得几快，冇话越叫越耐。整体食物唔太差，以个价钱黎讲中上架啦。侍应加水都好快，可能位置问题，真系唔多人，食到九点半我地走，都系黎左两三台新客。不过真系要弹下个厕所，老遥咁远，仲要系工厂大厦式公厕，若然你食完鱼生咪去，唔系呕返出黎都似，卫生有几好唔问都知。