大助燒肉專門店

营业中

休息中

寻晚同老婆两个黎食，被安排坐左系BAR台，位窄顶脚唔系好舒服。叫左个两人"当猪恋上牛"套餐，有猪腩肉、猪1扒、烟肉芝士卷、澳洲和牛粒、牛肋骨同牛利，每样少少，两个面豉汤、一碟四件仔既冬菇同蕃薯，两碗饭。另外加$78有刺身并盘，有甜虾、带子、三文鱼同吞拿鱼，每样两件。仲另外叫左个椰菜沙律。所有烧肉都无腌过，和牛好霖，肉味淡，猪肉ok但唔凸出，牛利系比较味浓同爽口。刺身好新鲜，每样都好味，唔错，个沙律亦唔差。整体食物质素唔错，服务都几好，尤其系个女侍应比其他男侍应醒目同识自动自觉做野，食物黎到有人会介绍下你应该点烧。不过要弹系肉黎得比较慢，等左好耐先黎。个炉抽气效率嘛嘛，成身烟味同热。埋单都差不多要六百，相对食物质素同其他烧肉店比唔算好贵，但始终食呢d烧肉套餐女士就ok，男士可能唔饱要补飞。