La Terrazza Bar & Grill (已結業)

La Terrazza Bar & Grill沙田大会堂, 美心集团旗下。DINNER SET "1+2+3+4" 包面包、餐汤/沙律、主菜及苹果茶餐包 ~ 个餐包又几有新意㖞, 非一般的餐包, 有点像馒头, 甜甜地, 好松软。沙律 ~ 加点醋及橄榄油捞混, FRESH。主菜 – 厚切猪扒配焦糖苹果黑蒜红酒汁我的主菜, 见"焦糖苹果黑蒜红酒汁"够特别, 想试吓, 卖相吸引。焦糖苹果焗过, 甜甜酸酸咁, 腍腍地, 几特别, 黑蒜红酒汁就几好味, 微酸、微咸、微红酒香, 至于件厚猪呢….好出事, 太厚身, 完全 OVERCOOKED, 无晒肉汁, 食落有点嚡口, 不过都焗得香口。朋友的带子大虾芝士阔条面反而仲好食, 芝士汁香浓, 带子及大虾质素不错, 至少食不出雪藏味。冧酒提子芝士饼 (另加$30)朋友想试, 好彩叫左一件, 芝士饼既无芝士味, 也没冧酒味, 原来冧酒只系画几下系碟度, 我地一箱情愿以为系芝士饼材料之一, 咁件芝士饼又唔系一无事处既, 芝士馅都打得几滑, 同埋唔太甜腻。