影片
更多
2023-07-09
42 浏览
又去SOHO揾好嘢食啦，今次朋友介绍咗呢间龙虎豹，应该都系我哋熟悉嘅𠮶一本龙虎豹衍生出嚟嘅😂入到入边好似返咗去老香港咁用咗街市嘅红灯同埋昏暗嘅灯光感觉真系好中西合璧，好chill and chic。餐牌大致上都系日本菜，寿司串烧同埋少少热食。Snapper Carpaccio 鲷鱼薄切$158: 本身食鱼其实好怕有骨，但系去到呢啲餐厅又费事净系食普通嘅鱼生刺身，所以就拣咗呢一碟。上菜嘅时候每一片都沈上芝麻同埋一小片嘅辣椒，本身仲谂住要点啲豉油先会有味，但系侍应同我哋讲本身已经有少少醋浸住，所以其实唔使点都已经好鲜味。食上去好似有少少泰式生虾嘅感觉，鱼够新鲜而且完全冇腥味，配上辣椒少少带岀个鲜味。Dragon roll $188: 本身对卷物其实冇乜大兴趣，因为觉得好似冇乜食到肉咁。今次既然嚟到就一于嗌佢最贵𠮶个龙卷，一上菜已经觉得presentation赢晒，仲有牛油果花花喺上面点缀。底层系天妇罗虾卷，上面嘅酱其实包含咗辣吞拿鱼，蟹肉同飞鱼子。咁样嘅配搭，其实唔需要点太多嘅酱汁都已经好好味，有少少辣味之余仲食到每一啖嘅飞鱼子爆浆咁嘅口感，层次丰富，绝对值得推介。Spider roll
Snapper Carpaccio 鲷鱼薄切$158: 本身食鱼其实好怕有骨，但系去到呢啲餐厅又费事净系食普通嘅鱼生刺身，所以就拣咗呢一碟。上菜嘅时候每一片都沈上芝麻同埋一小片嘅辣椒，本身仲谂住要点啲豉油先会有味，但系侍应同我哋讲本身已经有少少醋浸住，所以其实唔使点都已经好鲜味。食上去好似有少少泰式生虾嘅感觉，鱼够新鲜而且完全冇腥味，配上辣椒少少带岀个鲜味。
Dragon roll $188: 本身对卷物其实冇乜大兴趣，因为觉得好似冇乜食到肉咁。今次既然嚟到就一于嗌佢最贵𠮶个龙卷，一上菜已经觉得presentation赢晒，仲有牛油果花花喺上面点缀。底层系天妇罗虾卷，上面嘅酱其实包含咗辣吞拿鱼，蟹肉同飞鱼子。咁样嘅配搭，其实唔需要点太多嘅酱汁都已经好好味，有少少辣味之余仲食到每一啖嘅飞鱼子爆浆咁嘅口感，层次丰富，绝对值得推介。
Spider roll $88: 朋友每次见到原来太多一定会叫嘅，所以都为佢叫咗呢一个TG卷。配菜有芒果，紫苏叶，飞鱼子，当然仲有啲青瓜喺入边，芒果同紫苏叶配搭感觉好refreshing，有时卷物其实都会觉得有啲heavy，但系聪明地加咗紫苏叶更加可以中和炸软壳蟹嘅油腻。
明太子炸粟米粒$68: 本身喺openrice见到其他相己经好想嗌，真系抗拒唔到，仲要加上明太子，辣辣地甜甜地送酒一流。
串物方面叫咗日本五花腩$58，牛舌$68，秋葵$28同梅子酱鸡$48: 质素唔差，用料食得出系高质嘅，个人比较钟意牛舌同埋梅子酱鸡，前者烧得脆身，但系唔会流失咗肉汁，梅子酱鸡嘅梅子酱配紫苏叶感觉开胃。
最后嚟到一间bar点会唔叫cocktail呢:
Kabuki Mule$125: 其实系纯粹自己钟意加左青瓜嘅g&t，所以对于我来讲系必叫嘅，饮上去感觉refreshing，配上薄切sashimi就啱哂。
朋友反而想要啲甜啲嘅嘢，我哋睇咗食评之后就决定跟其他人叫呢一杯Pornstar$110，切合餐厅主题之外，都觉得有passion fruit liquor唔会太差嘅，朋友唔太饮得都觉得甜甜地易入口。
总结：餐厅感觉神秘，我觉得都好啱一大班朋友嚟呢度过一个愉快嘅friday night，之前问咗原来逢星期二全日都系happy hour添！食物质素方面都有返一定水樽，绝对会系我soho嘅another secret place ☺️
张贴
