好易食

营业中

休息中

平日比较少来苏豪区食饭。今日揾咗间评分都唔错嘅餐厅食。餐厅虽然位于半山区，但系沿着扶手电梯上其实都好方便唔使行太多斜路。平日夜晚时段，餐厅大部份帮衬嘅都系外国人，所以环境气氛都唔错。虽然系食墨西哥菜，但餐厅应该系有点fusion嘅玩味，因为啲碟都好中式。Beef TacoTaco烤到啱啱好，食落唔会太干。入面放满左香料牛肉，都几Juicy，同时亦都会食到上面嘅洋葱、香菜，感觉好Fresh唔会太肥腻。落埋青柠汁酸酸地，更加系令到佢更开胃。Cauliflower超好食嘅椰菜花。每一粒椰菜花表面都焗到啡啡地，食得出佢烤香左嘅味。加上落咗乳酪、杏仁片、石榴籽，成个感觉酸酸地几开胃，亦都好有特色，食到唔够喉。Classic meatball个人觉得比较重口味嘅一道菜，除咗本身食到好浓郁嘅芝士味，肉丸亦都系well seasoned。侧面有少少面包可以𩠌个肉酱汁。香蒜橄榄油意粉用最普通嘅食材: 蒜同橄榄油，已经可以煮到好美味嘅意粉，无需太花巧。呢个意粉仲落咗少少辣椒吊一吊起个味。每一啖食落都唔会好无味或者太干。叫咗两杯夏天好啱饮嘅西瓜特饮，咁啱食嘅嘢有d辣同埋有啲重口味嘅话就好啱。