影片
更多
2022-10-08
820 浏览
可以嘅话，其实真系唔想第一次写就写负评；不过受够就系受够，花少少时间写低，提醒自己下次咪再去…过去两年饮食业好难挨，知嘅，所以少有出开街都尽量买外卖返屋企食，屋企人煮少餐，又可以支持下。去开尖沙咀，唔争在行过少少去佐敦。通常系帮衬澳洲牛奶公司，呢两年间中就转去隔篱麦文记，第一次系因为见佢静到好似随时做唔住。禁堂食期间、N咁多限制期间，入去买外卖都仲正正常常。几次都系买一样嘅嘢－云吞面同炸酱面。云吞屋企人话系好食嘅，足料、新鲜；面都几好，系有时碱水味太重。炸酱面都可以，不过亦试过一样系阵碱水味。以人均$50一个面嚟讲，份量又真系少咗啲。利申：一向叫少饭都未试过食得哂嘅胃，又或者唔记得叫少饭时两个饭底会变成两个人食两餐。一个云吞面/炸酱面，仅仅比隔篱澳牛一份蛋治饱啲啲。今日难得唔太热，特登由尖沙咀行过去就系谂住耐无食过云吞面/炸酱面。一行到白加士街见澳牛条人龙几乎排到转角要过埋马路，心谂饮食业卒之好返啲，唔驶咁凄凉，好事～行到麦文记门口，因为近lunch hour，门口都有5-8(?)个人等紧位。摄到入柜面时，难得无撞正有其他人俾紧钱或落紧单，礼貌地问可唔可以借张餐牌落单。柜面姐姐头不动眼
过去两年饮食业好难挨，知嘅，所以少有出开街都尽量买外卖返屋企食，屋企人煮少餐，又可以支持下。去开尖沙咀，唔争在行过少少去佐敦。通常系帮衬澳洲牛奶公司，呢两年间中就转去隔篱麦文记，第一次系因为见佢静到好似随时做唔住。
禁堂食期间、N咁多限制期间，入去买外卖都仲正正常常。几次都系买一样嘅嘢－云吞面同炸酱面。云吞屋企人话系好食嘅，足料、新鲜；面都几好，系有时碱水味太重。炸酱面都可以，不过亦试过一样系阵碱水味。以人均$50一个面嚟讲，份量又真系少咗啲。利申：一向叫少饭都未试过食得哂嘅胃，又或者唔记得叫少饭时两个饭底会变成两个人食两餐。一个云吞面/炸酱面，仅仅比隔篱澳牛一份蛋治饱啲啲。
今日难得唔太热，特登由尖沙咀行过去就系谂住耐无食过云吞面/炸酱面。一行到白加士街见澳牛条人龙几乎排到转角要过埋马路，心谂饮食业卒之好返啲，唔驶咁凄凉，好事～行到麦文记门口，因为近lunch hour，门口都有5-8(?)个人等紧位。摄到入柜面时，难得无撞正有其他人俾紧钱或落紧单，礼貌地问可唔可以借张餐牌落单。柜面姐姐头不动眼不抬，0 tone答：「出门口睇」。面舖选择唔算多，但都有大有细有汤面有捞面，门口张餐牌俾等位人龙彻底封住，正常情况之下都唔会逼埋去睇，更何况呢几年不断灌输俾大家嘅「社交距离」概念（虽然我一直用开嘅personal space隔得仲远）。我忍唔住问多次：「买外卖要出门口睇餐牌再入嚟嗌？」姐姐照旧0 tone答：「系」
无言⋯结果我直接出门口走咗。系嘅，好小事，之不过，之前每一次我都系一模一样，拎住餐牌落单大家都唔会有误会，我确定我买咩，你知我叫咩，相安无事。今日生意好啲嘞，就突然咁样？sorry我接受唔到。你唔忧无生意时，我都有得选择，系咪？既然唔系特别好食，亦唔可以话平，加上咁样待客，点解我仲要拣你？
自问唔系西客/奥客－－「澳牛-certified」食咗廿几年从来无令到佢哋要俾网传招牌treatment（真心，从来无试过喺澳牛受到不礼貌对待，亦唔认同佢哋态度有咩问题）。经过呢两年，眼见大部份零售同餐饮业嘅人都比以前礼貌，今日呢件小事我真系无预料到⋯⋯
青菜萝卜，各有所爱，我blacklist佢佢亦唔会在乎，写低几只字啫～
张贴