Soul9+ (已結業)

锦屏街条小巷好多美食，今次揾左间西餐厅试试。间餐厅好多一家大细黎食，几温情。餐厅装潢得好有格调，店内布置左好多好有特色嘅装饰，好啱打卡呃like。我地拣左一个主菜连套餐、一份汉堡及一份小食。首先上枱的是套餐的沙律同餐汤，栗米汤味道淡淡地几易入口，而沙律菜清新爽口，加埋黑醋汁酸酸甜甜好开胃。啤酒浆洋葱圈即叫即炸，食落香脆可口，沾上自家制他他酱一齐食感觉唔会太腻啱啱好。北美银花鲈鱼煎到金黄色，鱼肉鲜甜嫩滑。薯蓉有香浓嘅忌廉味，加上黑松露令味道更突出，另附有沙律菜中和一下油腻感。牛肉汉堡一上枱散发好香嘅黑松露味，咬落啖啖肉好juicy。薯条好香脆，入口仲热辣辣好好食。另外叫左餐饮。