Soul9+ (已結業)

之前试过北角书局街附近一间好隐蔽嘅西餐厅—Villa Villa，静静哋而且味道唔错。今次就黎试下隔离嘅「Soul 9+」，餐厅名咁搞笑唔知味道如何呢！餐牌上唔少菜式食材配搭都好新颖！Fruit Soda奇异果味syrup加新鲜柠檬，几清新！白酒煮活蚬香草同蒜片煮嘅蚬一啲沙都无，几厚肉而且味道鲜甜。樱桃木熏柑橘带子呢道菜嘅卖相好别致，影相一流。一上枱，食物比充满白烟嘅玻璃罩盖著，打开之后烟先会散去。带子淡淡嘅烟熏味恰到好处，口感软滑。伴碟嘅黑醋珍珠同埋柑橘几醒胃。大虾明太子白酒忌廉意粉由于今日无松叶蟹爪嘅关系，转成三只弹牙嘅虾。咸香嘅明太子和忌廉嘅比例刚好，唔会太浓。白松露海胆新鲜鲍鱼白酒忌廉义大利饭「重口味」嘅朋友一定会中意呢个饭，有齐松露同埋海胆！松露嘅味道好强烈，同海胆分两半捞饭就唔会抢彼此嘅风头。一旁嘅鲍鱼鲍鱼系炸嘅，口感特别。