影片
更多
2023-03-17
17 浏览
好少嚟上环呢边，今次上网见到有sourdough 嘅pizza就俾佢吸引咗嚟！餐厅环境较似美式嘅酒吧，见到每逢星期六夜晚都会有karaoke night，而且平时仲会有2小时free flow 唔同酒精饮品，每位$300，包括嘅饮品有好多：啤酒、梳打、House Red & White、罐装Higherthan, Highball、果汁等都有，放工嚟chill下都好抵！食物方面，叫咗2人餐，每位$238，前菜有扭扭薯条，大大碗嘅扭扭薯条配上茄茸酱，下酒一流！余均益炸鸡翼，中西合璧嘅做法第一次系美式餐厅见到，鸡翼本身好大只，皮脆肉嫩，面头再加埋余均益辣椒酱，其独特嘅酸酸辣辣真系辣得好过瘾！腐乳汁凯撒沙律，原本以为会好重口味，但原来腐乳味唔太重，同平时食开嘅沙律都系差唔多。辣肉肠菠菜薄饼，sourdough嘅批底，食落真系烟烟韧韧，口感同平时嘅好唔同～pizza 用咗大量芝士，拎上手会拉丝，菠菜虽然唔算好多，但菠菜嘅味道就好出，再加埋辣肉肠粒粒，带少少微辣～食咁多香口食物点少得叫返2杯啤酒～餐厅有好多款特色tap beer选择，唔知边款啱自己嘅都可以叫职员介绍同埋先试味，确保每位客人都有啱
好少嚟上环呢边，今次上网见到有sourdough 嘅pizza就俾佢吸引咗嚟！餐厅环境较似美式嘅酒吧，见到每逢星期六夜晚都会有karaoke night，而且平时仲会有2小时free flow 唔同酒精饮品，每位$300，包括嘅饮品有好多：啤酒、梳打、House Red & White、罐装Higherthan, Highball、果汁等都有，放工嚟chill下都好抵！
食物方面，叫咗2人餐，每位$238，前菜有扭扭薯条，大大碗嘅扭扭薯条配上茄茸酱，下酒一流！
余均益炸鸡翼，中西合璧嘅做法第一次系美式餐厅见到，鸡翼本身好大只，皮脆肉嫩，面头再加埋余均益辣椒酱，其独特嘅酸酸辣辣真系辣得好过瘾！
腐乳汁凯撒沙律，原本以为会好重口味，但原来腐乳味唔太重，同平时食开嘅沙律都系差唔多。
辣肉肠菠菜薄饼，sourdough嘅批底，食落真系烟烟韧韧，口感同平时嘅好唔同～pizza 用咗大量芝士，拎上手会拉丝，菠菜虽然唔算好多，但菠菜嘅味道就好出，再加埋辣肉肠粒粒，带少少微辣～
食咁多香口食物点少得叫返2杯啤酒～餐厅有好多款特色tap beer选择，唔知边款啱自己嘅都可以叫职员介绍同埋先试味，确保每位客人都有啱自己口味嘅tap beer!
Black Kite, 好香热情果味，饮落甜甜地
Neonotic Cider, 呢款会俾Black Kite再甜啲，好易入口
张贴
