影片
更多
2011-11-29
14 浏览
礼拜五同妈妈系朗豪坊 UA Cinemas 睇完「那些年，我们一起追过的女孩。」后，唔知食咩好，见到对面有间 Spaghetti House，好似好耐无帮衬过，所以就决定入去试下啦。我地系系后门入既，因为我唔知后门净系得楼梯通往门面，所以就同妈妈一齐撑左十几级楼梯先去到。去到门口，唔驶几耐就有个侍应招呼我地坐低。揭完一轮餐牌，由妈咪发板，叫左个浓香套餐。叫呢个套餐既主要原因系妈咪对个沙律同个猪仔骨好有兴趣，可惜只可以2选1，最终加多左个沙律(因为散叫沙律比散叫猪仔骨平几蚊)。首先黎既系餐汤呢个汤味道一般，略有蚬味，但心知系以雪藏蚬肉煲成，再加几只有壳既蚬而成既。然后系另外叫既沙律系成个餐唯一比较可取既食品，生果沙律清新开胃，加上烟三文鱼，口感丰富有层次。再黎系主菜芝士焗出黎既食物应该都唔会太差，至少一上枱个下香喷喷，几令人垂涎三尺。龙虾汁都做得唔错，配搭得宜。不过可能唔食惯墨汁整出黎既食物，食到一半开始个喉咙有少少痕痕地。另外，个饭做得唔太黏身，「不」起上黎「散收收」，唔知系咪个饭既特色呢？之后讲起就把鬼火，我地明明落单个时讲到明个沙律系另加既，个餐要既系猪仔骨。原本以为个猪仔骨制作需
我地系系后门入既，因为我唔知后门净系得楼梯通往门面，所以就同妈妈一齐撑左十几级楼梯先去到。
去到门口，唔驶几耐就有个侍应招呼我地坐低。
揭完一轮餐牌，由妈咪发板，叫左个浓香套餐。叫呢个套餐既主要原因系妈咪对个沙律同个猪仔骨好有兴趣，可惜只可以2选1，最终加多左个沙律(因为散叫沙律比散叫猪仔骨平几蚊)。
首先黎既系餐汤
呢个汤味道一般，略有蚬味，但心知系以雪藏蚬肉煲成，再加几只有壳既蚬而成既。然后系另外叫既
沙律系成个餐唯一比较可取既食品，生果沙律清新开胃，加上烟三文鱼，口感丰富有层次。再黎系主菜
芝士焗出黎既食物应该都唔会太差，至少一上枱个下香喷喷，几令人垂涎三尺。龙虾汁都做得唔错，配搭得宜。
不过可能唔食惯墨汁整出黎既食物，食到一半开始个喉咙有少少痕痕地。
另外，个饭做得唔太黏身，「不」起上黎「散收收」，唔知系咪个饭既特色呢？
之后讲起就把鬼火，我地明明落单个时讲到明个沙律系另加既，个餐要既系猪仔骨。
原本以为个猪仔骨制作需时，反正有野食，就谂住边食边等。
点知见隔离枱迟过我地坐低都已经有得食同样既猪仔骨，serve佢地既侍应仲要细心到俾埋胶手套同湿纸巾。
因此我地就同行过既侍应讲，佢都非常之有礼貌地话帮我地跟一跟。
等左一阵，猪仔骨终于黎左啦。
同个饭一样，又系超香，仲要等左咁耐，所以超期待。唔知系我地期望太高，定系个𩠌真系做得唔太好，酱汁略嫌偏浓同颇酸，可能我地原以为个酱汁会比较近似烧烤酱既味道，所以有d失望。
疯薯虽可口，调味亦适中，可惜又不如我地期望，佢无类似「爱尔兰疯薯」做到既外在香脆内里松软，又未至于「麦当劳」个只脆卜卜。
食到差不多之际，头先帮我地跟单个个侍应埋黎问我地要唔要甜品。
我见佢枱枱都问，而差唔多枱枱都话唔要，然后就可以顺便卖埋单。
可能佢都只系循例问下我地，所以当我地话要，并且问佢拎个餐牌黎既时候，见佢都有d愕然。
等左一阵佢先拎个餐牌黎，之后就企系我地隔离等我地order。
事实上我地仲享用紧枱面既食品，所以叫佢或者摆低个餐牌，转头我地再叫佢黎。
点知未够5分钟佢就行埋黎问我地决定好未，我地奇怪点解佢咁急呢？
佢话厨师好快会走哂，要落order就要快！
个时其实系晚上11点几，间野就收12点。
我地心谂：系咁赶一系就早d循例问，一系就连问都唔好问啦！
枱面野食又唔多岩口味，佢又焦急等我地决定，最终甜品都废事叫，叫佢埋单就走人了！
张贴
