LOG-ON Café (已結業)

同朋友行太古城广场，佢话有新野试，于是就一齐去试下。估唔到系log on都开左cafe。Cafe 系自助揾位，叫完餐有个号码牌俾你，然后waiter会将你点嘅送到你面前。朋友叫个烟三文鱼all day breakfast。入面有4、5片烟三文鱼，三角形薯饼，多士。我就点左个明太子长通粉。朋友个个好满，烟三文鱼味道不太咸，薯饼脆香，多士无upgrade 但都够松软。至于我个个长通粉，原来系好多小虾米再伴上一粒粒嘅明太子，而不是明太子酱。长通粉食得出经牛油煎香，因此有少少硬，但好香。无汁嘅明太子唔辣但口感都好丰富。至于明虾干，少少咸，多多脆。伴住几条通粉放入口，系正嘅，除左真系有d干。我地各人个餐包杯野饮，我要少冰柠茶，佢真系帮我少左好多冰，糖水又可以自己落，加分！估唔到Log-on 搞cafe都够得几好。返食指数4粒星(5粒最高)。