麻辣派對 (金百利廣場) (已結業)

已经好耐冇食过辣野啦！于是约咗朋友今晚开一个麻辣派对!去到既时间已经有好多人排队，不过好彩一早系open rice book咗位，去到既是时候等1，2分钟就入得去。前菜我地叫咗烧椒小皮蛋 ， 皮蛋细细粒，味道唔会太辣，而且好开胃，唔觉唔觉就好快食晒。之后我地叫咗孜然葱爆羊肉，羊肉一d都唔骚，配埋大葱，味道非常香口食川菜紧系一定要叫水煮鱼! 我地叫咗小辣，愈食愈辣，但配埋白饭就一流!! 鱼既份量好足够，我地2个人都差d食唔晒。由于水煮鱼有d辣既关系，于是我地叫咗清炒䈑笋解辣。不得不提既系员工既服务态度非常好，走既时候店内已经清洗紧，员工多番提醒我地要小心地滑。