Starry Night

营业中

休息中

但愿人没变 愿似星长久每夜如星闪照 每夜常在----一入到大角咀呢间starry night脑海就浮现起呢首歌😆 装修以夜空星星做主题，一砖一瓦不难见有配合主题嘅小心机，例如有星星月亮灯，梵高嘅星夜油画，仲有落地玻璃大窗，用膳环境好pleasant.食物order左$578二人套餐👇前菜：轻煎鹅肝、矶烧鲍鱼汤：周打蚬汤主菜：英式威灵顿牛柳、依文士牛柳长通粉餐饮：有气葡萄酒（+$40)、virgin mojito(+$58).鹅肝同鲍鱼都大粒够鲜香，鲍鱼弹牙有咬口，鹅肝香滑入口即溶，汤类creamy，有粒粒面包粒、薯仔同蚬肉咬下。主菜威灵顿牛柳馅料超澎湃，酥脆酥皮包住juicy牛柳同香炒野菌，口感丰富，长通粉有咬口唔太淋，通粉中空设计挂满啖啖creamy 酱汁，配埋粒粒牛柳一齐食，味道不错。呢到特别特别推荐饮佢地嘅餐酒同特饮，对味又配环境，用餐气氛更升华。