Starry Night (已結業)

大角咀真系唔讲得少，bar、cafe 中餐、西餐、米线、车仔面、火㶽、鸡煲、韩烧......形形式式既餐厅应有尽有！收左工五点半到，好多餐厅都未开，见到呢间开左就胆粗粗入去试下！因为太早，得我地一枱客，但到六点到时陆续有客人入黎，大部分已经book 枱。场内啲櫈都写左starry night 既名，蓝黑色既枱同灰白色既墙，成间餐厅用心布置装修，同餐厅名好夹。辣肉肠鸡肉长通粉唔系话好大碟，但材料好足，面头有芝士，仲有好多鸡肉同肉肠。肉肠唔辣，硬硬地但薄片，几有口感。个汁酸酸地，只味似用新鲜蕃茄整。通粉都唔硬又唔太淋，刚好！All day breakfast 有好多种食物，$105黎讲系抵食！蛋可以选择煮法，而呢个太阳蛋蛋黄刚好，有痴痴地既糖心蛋感觉！有两款唔同既肠，共四条。较白色果条应该系鸡肉肠，肉较实。有一点点果条肠好好食！又林又入味又juicy !咬落去有汁流出黎甘，一试爱上！平时食开all day breakfast 既烟肉都好干好硬，好似食紧猪肉干甘，但呢个一啲都唔干，一咬就开，又唔会好咸！磨菇一如既往甘香！好味！！呢度价钱唔贵，食物质素又好，值得再黎，无拣错呀！