影片
更多
2021-01-27
12087 浏览
前文就提及到为庆祝结婚周年，又因疫情无得去旅行，就专登拣咗远离市区又有渡假环境嘅「黄金海岸酒店」住番晚加饮饮食食，买咗个「悠然下午茶住宿计划」，包双人豪华海景房、入住当日嘅主题下午茶、翌日嘅双人自助早餐，全费$980，食完个主题下午茶，住咗一晚豪华海景房，个价真喺抵番晒，仲包埋早餐添。由于喺自助早餐，又唔知多唔多客，加上今早嘅安排喺食完早餐会轻装行千岛湖，所以，策略喺一早落嚟食早餐，避一避人流。虽然，㖊日嘅下午茶，以及今早嘅自助早餐，都喺晌「聆沨咖啡厅」，但明显枱櫈喺排过晒，今早全场都喺排成二人枱，仲每枱都隔得好开。因为㖊日啲人多数都喺食下午茶，唔安排四人枱真喺唔够摆，但今早全部喺食自助早餐，安排成二人枱已绰绰有余。而外面花园，太阳啱啱出嚟无耐，有少少旭日初照打落啲椰树度，景观好靓，予人感觉好舒服。原来，酒店嘅自助早餐定价都唔平，$258 / 成人，$188 / 小童，而如果买咗套票，额外加享用早餐人数，例如一啲亲子客、三人朋友客，收费就平啲，$138 / 成人，$88 / 小童。自疫情至今，真喺未食过自助餐，因为担心卫生、感染问题，不过，今早晌度食完自助早餐，又有唔同嘅体会。首先，座
虽然，㖊日嘅下午茶，以及今早嘅自助早餐，都喺晌「聆沨咖啡厅」，但明显枱櫈喺排过晒，今早全场都喺排成二人枱，仲每枱都隔得好开。因为㖊日啲人多数都喺食下午茶，唔安排四人枱真喺唔够摆，但今早全部喺食自助早餐，安排成二人枱已绰绰有余。
而外面花园，太阳啱啱出嚟无耐，有少少旭日初照打落啲椰树度，景观好靓，予人感觉好舒服。
原来，酒店嘅自助早餐定价都唔平，$258 / 成人，$188 / 小童，而如果买咗套票，额外加享用早餐人数，例如一啲亲子客、三人朋友客，收费就平啲，$138 / 成人，$88 / 小童。自疫情至今，真喺未食过自助餐，因为担心卫生、感染问题，不过，今早晌度食完自助早餐，又有唔同嘅体会。首先，座位数量目测比正常少咗一半有多，一坐低，侍应已提醒出去攞食物时要戴上口罩，而整个「攞」食物嘅过程，完全喺由厨师帮忙，客人喺唔会接触到啲食物，所以，令我俩都安心咗好多。
以下，就再介绍吓有啲咩食，大致上有沙律、冻切肉、栗米片、乳酪、芝士盘、热盘、点心、粉面、粥品、即制奄列、烘焙酥饼、面包、窝夫、班戟、生果杯、饮品吧，以早餐而言，选择非常之多。
第一轮：沙律、冻切肉、芝士、橙汁小弟颇喜欢食沙律，尤其食自助餐，第一碟点都要啲沙律开开胃先。费事太麻烦师傅，索性同佢讲沙律、冻切肉、芝士三类嘢样样都要啲，再淋啲油醋汁，砌成一大份。虽然，嚟酒店嘅人流少咗好多，但啲食材都食得出好新鲜，完全无「求求其其」嘅感觉，不过，食自助餐喺有时要自已夹吓夹吓先好玩。
第二轮：即制奄列、热盘食完冻嘢，通常小弟都喺食番啲热嘢暖暖个胃，避免一次过太多生冷嘢落肚。见有即制奄列，当然要试，又喺费事烦，叫师傅样样都加啲，然后过隔离档拼啲烟肉、薯饼及烤蕃茄。件奄列好好食，里面仲做到有少少蛋浆流心嘅效果，烟肉脆口却唔太肥，烤蕃茄亦都好甜。
第三轮：烘焙酥饼、生果杯、即磨咖啡烘焙食物一向都喺我嘅心水，故此，见佢哋有咁多烘焙酥饼，就更加要杯即磨咖啡嚟衬啲牛角酥、朱古力酥、苹果酥及果子面包，几款酥皮面包都好有牛油香，亦松脆，但最有惊喜喺件果子面包，咬落好有橙香，净食都好好食，否则拎啲鲜果酱搽嚟食都正。顺手追加份生果杯，有多种生果，唔使切就有得食，并帮肋吓消化。
第四轮：迷你窝夫、班戟其实，食埋啲烘焙面包都有啲饱吓，但又想过吓窝夫瘾，况且喺迷你版，少少哋各要一件。最有亮点唔喺件窝夫或班戟，而喺啲蜜糖，因为，原以为喺啲普普通通嘅糖胶，但入口极之清润，嗒得出喺百花蜜之类，唔好嘥，临尾仲用嚟冲杯蜜糖水嚟滋润吓添。
以小弟往绩，食力可以去多两轮，但因为唔敢食得太饱去行山，话晒上千岛湖有段大斜路，所以，如乳酪、多款热盘、点心、粉面……等等都无食到。不过，再次住吓酒店，再次食吓自助早餐，又确喺真有种渡假嘅感觉。
题外话/补充资料：
以下个价钱喺官方正价，实际我买嘅住宿计划已包。
(以上食记乃用户个人意见 , 并不代表OpenRice之观点。)
张贴
