紅煙窗餐廳

营业中

休息中

去staycation其中一个最chill嘅环节就系食早餐。起身落楼叹个早餐，再返上房摊喺张床睇新闻，或者瞓多阵，咁先有渡假嘅感觉🏖(aka错觉)今次执到个平价late check out + 包早餐package。早餐一共有三款选择。可能因为系平日，我地早餐包场。落单之后要等20分钟，我地怀疑厨房已经收炉休息紧🙈佢拣咗一个美式早餐，有佢钟意嘅面包。薯饼好脆，不过冇咩薯仔味。款式稍嫌唔够丰富，如果可以加多一款食物就好。因为平时食早餐太赶，好少有机会食粥，所以我拣咗中式早餐。点心几好食，尤其系牛肉球。炒面冇镬气，但系干身少油，落咗辣酱都唔错。粥就唔啱我口味，比较似系潮州粥，好多粥水。啲米系圆珠形，口感似碎米粥。