海景咖啡廊

营业中

休息中

Staycation package包埋嘅自助早餐，check-in时已经拣定入座时段，时段分为7:30同9:30。预早咗几分钟到，唔使等就可以入座。食物种类好多，而且re-fill得好密，除咗即点即制嘅食物之外，基本上大部分都唔使等就攞到。以下系几样食完觉得几好食嘅嘢。西式早餐区有猪肉肠、鸡肉肠、三角薯饼、烟肉、煎蕃茄、粟米、茄汁焗豆等等。三角薯饼炸得超脆，我食咗几块。烟肉煎到好脆，一啲都唔油腻，又唔会太咸。有两个厨师即席煮不同款式嘅蛋料理，好多人排队等煎太阳蛋。我就点咗一份奄列，奄列馅可以自选，拣咗芝士火腿。奄列都几大份，切开有流心芝士，好正中式方面有白粥、鸡粥、干烧伊面、斋肠粉、虾饺、猪肉烧卖、珍珠鸡等等。虾饺食唔到馅料有虾，而烧卖就好粉，似乎点心麻麻地。反而鸡粥好好味，粥底清甜，有鸡味。仲有脆卜卜嘅油炸鬼。甜食方面就拎咗以上呢几款，最好味系朱古力酥，朱古力味浓又酥脆。迷你葡挞都好味，挞皮酥脆，蛋浆够滑又唔太甜。牛角包表面酥脆，但入面就唔太脆。而pancake同朱古力muffin就比较饱肚。饮品方面都几多选择，有西柚汁、黑加仑子汁、橙汁同苹果汁。估唔到仲有sparkling wi