影片
更多
2021-07-26
3187 浏览
疫情稳定后，加上打埋针，终于够胆出街玩已经流行咗成年几两年嘅staycation!之前喺YouTube睇咗好多条片介绍好多酒店提供优惠嘅套票，我哋个package包埋住酒店同埋buffet下午茶、晚餐，早餐！早餐下午茶都冇咩食，只计住酒店同dinner buffet都抵！6:30 入去一阵已经差唔多坐满晒，排队夹咗2件龙虾，前面已经攞晒，要再开第二筒摆落去，目测比较干身，长脚蟹、螺、虾正常，排到最后先发觉原来生蚝要排另一条队，又排过攞生蚝，一人可以攞三只，即开，系比较瘦啲，食咗碟生蚝先，质素普通啦。之后先拆第二盘，龙虾比较干身，长脚蟹跟网上影片方法剪长脚蟹，果然一剪一掹，就成条甩咗出嚟，今次食得好轻松！食咗一转就去洗手收工，之后都冇再食第二盘。屋企人攞多咗碟生蚝俾我，佢哋全部唔食，食埋有半打，呢碟就妈妈地。之后食咗碗粉，加啲菇，其他就落豉油加豆瓣酱，然后再自己夹𩠌：西兰花、冬菇同埋花胶，都好味。韩国人参炖鸡，好清㖞，可能我本身钟意饮汤，我饮咗两盅！今晚唔见老公食刺身？问他，话啲刺身好似唔新鲜，见到都唔想食。不过我都过去排队，成晚都唔见人排队，攞刺身，佢其实都有多款：三文鱼、䲞鱼，八爪鱼
之前喺YouTube睇咗好多条片介绍好多酒店提供优惠嘅套票，我哋个package包埋住酒店同埋buffet下午茶、晚餐，早餐！早餐下午茶都冇咩食，只计住酒店同dinner buffet都抵！
6:30 入去一阵已经差唔多坐满晒，排队夹咗2件龙虾，前面已经攞晒，要再开第二筒摆落去，目测比较干身，长脚蟹、螺、虾正常，排到最后先发觉原来生蚝要排另一条队，又排过攞生蚝，一人可以攞三只，即开，系比较瘦啲，食咗碟生蚝先，质素普通啦。
之后先拆第二盘，龙虾比较干身，长脚蟹跟网上影片方法剪长脚蟹，果然一剪一掹，就成条甩咗出嚟，今次食得好轻松！食咗一转就去洗手收工，之后都冇再食第二盘。
屋企人攞多咗碟生蚝俾我，佢哋全部唔食，食埋有半打，呢碟就妈妈地。
之后食咗碗粉，加啲菇，其他就落豉油加豆瓣酱，然后再自己夹𩠌：西兰花、冬菇同埋花胶，都好味。
韩国人参炖鸡，好清㖞，可能我本身钟意饮汤，我饮咗两盅！
今晚唔见老公食刺身？问他，话啲刺身好似唔新鲜，见到都唔想食。不过我都过去排队，成晚都唔见人排队，攞刺身，佢其实都有多款：三文鱼、䲞鱼，八爪鱼，希灵鱼、带子，同埋北寄贝？拣咗带子同希灵鱼、冷面，又不至于太差嘅，系佢啲灯光问题令人睇上嚟唔新鲜啫！
甜品普遍都系唔掂，我都唔敢食，始终有quota，食咗少少屋企人攞多咗食唔晒嘅轻芝士饼，佢哋话完全唔系芝士，我觉得OK。
雪糕系movenpick 有多种口味，食呢个一定稳稳阵阵，我食咗朱古力、士多啤梨、柠檬青柠雪芭，蓝莓芝士。屋企人讲过柠檬青柠雪芭好正，我觉得麻麻。
食到饱饱滞滞，攞咗菠萝，食咗5、6旧，其实可以食到9:30 ，但都冇乜嘢食，食完便返房休息。
张贴
