Holt's Cafe

营业中

休息中

早前男友book 咗rosewood比惊喜我~ 包早晚餐，晚餐在Holt's Cafe进餐。先黎面包有两款，硬法包&软包，都几大个，硬法包同坊间面包店一样咁硬。。。不过软包坚松软唔错。蘑菇忌廉汤 - 菇味重既，外间中上价cafe质数，沾包食唔错。里昂沙律 (烟肉、半熟蛋、法式芥末酱) - 最特别系所谓的烟肉，其实似烧腩仔，不过就唔脆皮，烧肉好食d香煎炉鱼/法边豆、初榨橄榄油酱煎到鱼皮脆脆地，鱼肉厚滑，法边豆带著浓郁的牛油香，以小蕃茄垫底配搭唔会腻。美国肉眼牛扒 (8盎司)配法式蛋黄酱叫咗5成熟，不过肉质非常柴，无乜肉汁，好失望。个人亦不喜欢个蛋黄酱，配搭太腻，宁愿要返黄芥末。另外亦有幼薯条，不过上枱唔算好热，应该系炸定，都系麻麻地。🍽甜品分别是红莓挞和朱古力挞。正正常常，其中比较惊喜系红莓竟然完全唔酸，仲带甜。晚餐送两杯意大利汽泡酒，要饮其他野就要额外比钱啦。