Pier Lounge and Pier Bar

营业中

休息中

因为酒店住客有八折，所以今日试吓呢间餐厅。餐厅有分室外、外厅同内厅，内厅有埋吧枱，天花板喺圆拱形设计 ，室内灯光较为昏暗，比较有气氛。枱系深啡木质枱，座位都有软垫，坐得好舒服。炸薯条配松露蛋黄酱呢个炸薯条炸得好香脆，薯条够粗，再配上巴马臣芝士，重可以点松露蛋黄酱食，系食薯条嘅最高享受，正~大虾烟肉意粉本来我哋系叫大虾烟肉伊面，不过因为冇日历，所以佢叫我哋转意粉。个意粉弹牙，巴马臣芝士忌廉汁好多，口感比较浆住过口，不过都好味。海南鸡饭海南鸡饭份量比较少，油饭都够香，饭质粒粒分明，鸡肉都算滑嫩，但得四旧，整体一般可接受。泰式炒金边粉金边粉好韧，食嘅时候咬到个口好攰。个虾冇乜味，有啲花生碎，味道一般，似系自助餐货仔。