影片
更多
2022-11-18
2160 浏览
又到妹妹生日喇，问佢想食乜嘢，答案又系牛扒。呢个真系个牛扒妹，年年生日都食同一样嘢。响OpenRice揾咗一轮，睇到Frites喺周末有all you can eat steak night, 咁就唔使谂咁多，就订尼度啦！星期日晚饭梗系人多，我哋去到大约7:30，室内餐枱已经爆晒。除咗牛扒，我哋仲嗌咗个一公斤嘅Frites House Mussels来分享。牛扒先上，要咗medium rare，但系似medium 多啲，其实早已经预咗系咁，所以至嗌medium rare🤭。跟牛扒一齐上嘅仲有大量薯条，但系我哋专门嚟食牛扒嘅，梗系唔会俾啲薯条撑饱个肚。至于啲牛扒虽然话系black angus，但系我唔觉得佢好肉味，甚至乎可以讲系甚为普通。不过，始终唔系扒房，唔可以咁讲究，在 all you can eat嘅情况之下，食多两块觉得回本就得喇。Mussels pot 亦有薯条做伴菜，另有两块garlic bread 同 mayonnaise 。啲mussels并冇我好期待中咁好食，我嫌佢唔够creamy，如果佢落多啲忌廉应该会好食好多。啲mussels本身都算肥美，亦都洗得干净，唔觉有沙。唔
星期日晚饭梗系人多，我哋去到大约7:30，室内餐枱已经爆晒。除咗牛扒，我哋仲嗌咗个一公斤嘅Frites House Mussels来分享。
牛扒先上，要咗medium rare，但系似medium 多啲，其实早已经预咗系咁，所以至嗌medium rare🤭。跟牛扒一齐上嘅仲有大量薯条，但系我哋专门嚟食牛扒嘅，梗系唔会俾啲薯条撑饱个肚。至于啲牛扒虽然话系black angus，但系我唔觉得佢好肉味，甚至乎可以讲系甚为普通。不过，始终唔系扒房，唔可以咁讲究，在 all you can eat嘅情况之下，食多两块觉得回本就得喇。
USDA Black Angus Steak
59 浏览
4 赞好
0 留言
Mussels pot 亦有薯条做伴菜，另有两块garlic bread 同 mayonnaise 。啲mussels并冇我好期待中咁好食，我嫌佢唔够creamy，如果佢落多啲忌廉应该会好食好多。啲mussels本身都算肥美，亦都洗得干净，唔觉有沙。
FRITES House Mussels
602 浏览
1 赞好
0 留言
唔知道系唔系因为系 Belgium Restaurant，所以请的侍应绝大部份都系英文人，连埋厨房的员工都系外籍工人居多。可能系食客太多，俾我嘅感觉好似唔够人手做嘢，揾个人嚟都要费一番功夫。
五个人食左16块扒，起码寿星女觉得满意，咁就值回票价啦！
张贴
