Sueno (已結業)

放工梗系要同朋友出去食饭放松下啦，今次拣咗间西班牙餐厅。依间餐厅系open kitchen。前菜叫咗个西班牙蛋饼同八爪鱼。个蛋饼好特别，加咗西班牙肠同葱花，焗到好香，但又唔会太干。至于个八爪鱼十级推介，配埋墨汁，劲夹。爽口弹牙，又有鲜味，仲要大大只，唔怕唔够食。配菜仲有烤薯仔同辣椒仔，但啲辣椒仔一啲都唔辣。主食就叫咗秘鲁汁烤鸡同辣蒜带子意大利面。个烤鸡加咗香草，咸咸香香，十分嫩滑，仲配咗薯条同沙律菜，至于个意粉劲重牛油味，劲香。啲带子大大粒，又唔会韧，十分鲜甜。啲蒜头吸咗牛油味，又淋淋地，连平时好憎食蒜头既我都觉得好好食。