意粉屋 (已結業)

搬左新地址后初次帮衬, 见到有新menu, summer 以水果为题, 个鲜果香草虾pop up pizza 好吸引, 但可惜冇set, 唯有散叫 个馅有香草虾, 士多啤梨, 火箭菜,芒果肉同芒果酱, 上枱见到都好refresh, 有生果系唔同点, 颜色好靓, 士多啤梨酸酸地, 芒果好甜, 虾又够弹牙, 加埋一齐好好食, 火箭菜有特别的香味, 同埋有点苦苦地, 就未必个个都啱食la, 因为都系生果馅, 冇芝士个点可以吸住个饼皮, 食的时候就预左会馅同皮分离, 要小心点唔好跌晒点馅芝士龙虾汁焗海鲜墨鱼汁饭~今次个汁多点, 捞完个饭仲系好多汁剩, 如果杰身点会好食点, 有淡淡芝士香味, 龙虾汁好浓, 墨鱼汁饭又唔会硬, 好creamy 好好食, 系我每次必食的至爱野饮就叫左粉红甜蜜, 即系西柚汁加蜜糖加aloe 粒粒, 西柚可以消下油腻, 不过蜜糖太多, 甜左点, 老公就要左杯冰雪红豆抹茶, 面头有一大粒红豆冰, 见佢一啖食晒, 真系透心凉ar.....下面点红豆粒粒都好甜好好食