八號餐廳

营业中

休息中

叫得做Sunshine下午茶系因为呢间餐厅有块落地大玻璃系向西嘅，所以食下午茶嘅时间啱啱晒住，有好多人怕晒，但系我就钟意呢种可以坐喺室内有享受到阳光嘅地方，所以如果嚟呢间餐厅食Tea我都会选择坐大玻璃旁边嘅位享受吓阳光。因为夜晚约咗人食大餐所以今日三个人叫咗两个下午茶餐share。两个下午茶餐分别系一个类似All Day Breakfast嘅餐，入面有汉堡猪柳、法式肠香肠、烟肉、煎蛋，再加多士两片。另一个餐就叫咗法式果酱西多士。饮品就试咗一杯特饮，就系热嘅薄荷朱古力。最估唔到嘅就系杯特饮系第一样嘢到，仲以为呢啲冇乜人叫嘅嘢要整耐啲添。呢份就系𠮶个All Day Breakfast，个样同味道都系hea hea地。果Jam西多士就正正常常啦，欣赏佢我系炸嘅。