影片
更多
2017-04-11
1370 浏览
之前间中都有喺度饮下嘢，但就从未试过喺度食饭，成日喺IG度见到人哋post佢哋Lobster Mac & Cheese嘅相、实在系好吸引🤤话说龙虾同芝士都系我嘅大爱，刚好知道Super Monday有同佢地合作、主菜buy 2 get 1 free，而咁啱星期一又约咗啲鐡脚食饭，喺机不可失嘅情况底下，自然要嚟试一试佢、了咗我个心愿。佢哋有两层，主要系6楼饮嘢、5楼食饭，地方唔算好大、但装潢漂亮。我地商量左一阵、决定叫四个主菜俾我哋三个人share。首先上嘅系黑蚊蚊嘅面包，嚟嘅时候仲暖暖地，面包够松软、个source够creamy，配埋嚟食几滋味。有朋友见到张相就问我系咩名堂？我答佢系面包、但佢竟然追问我个面包名，我点知㖞😅于是乎我就答佢「呢个应该系叫bread-on-the-house」😆我哋order咗几杯Cocktail，成支鲜奶咁嘅系Mexican Ribbon、朋友叫嘅，唔记得咗问佢咩味🙈，而成个土著咁嘅系London Fogcutter、配埋啲青苹果片食住嚟饮都几refreshing。呢个Slow Cooked嘅Beef Cheek系唔on Menu嘅，个酱汁都几特别、食到有
话说龙虾同芝士都系我嘅大爱，刚好知道Super Monday有同佢地合作、主菜buy 2 get 1 free，而咁啱星期一又约咗啲鐡脚食饭，喺机不可失嘅情况底下，自然要嚟试一试佢、了咗我个心愿。
佢哋有两层，主要系6楼饮嘢、5楼食饭，地方唔算好大、但装潢漂亮。我地商量左一阵、决定叫四个主菜俾我哋三个人share。
首先上嘅系黑蚊蚊嘅面包，嚟嘅时候仲暖暖地，面包够松软、个source够creamy，配埋嚟食几滋味。有朋友见到张相就问我系咩名堂？我答佢系面包、但佢竟然追问我个面包名，我点知㖞😅于是乎我就答佢「呢个应该系叫bread-on-the-house」😆
我哋order咗几杯Cocktail，成支鲜奶咁嘅系Mexican Ribbon、朋友叫嘅，唔记得咗问佢咩味🙈，而成个土著咁嘅系London Fogcutter、配埋啲青苹果片食住嚟饮都几refreshing。
呢个Slow Cooked嘅Beef Cheek系唔on Menu嘅，个酱汁都几特别、食到有紫苏叶喺入边，「面珠灯」煮到好林、但我expect应该同时会有啲煮林咗嘅筋夹杂一起，整体上系几好食嘅、但唯独口感有啲斋。
Double Bone Iberico Pork Chop黑毛猪扒，我哋叫咗cook medium、肉质啱啱好，少少甜甜地、加埋啲配菜酸酸地好开胃😋
Lobster Mac & Cheese主角嚟啦～期待已久😈通粉会放喺一砖车呔咁大嘅芝士上面加热、混和，务求令每一粒通粉嘅内外都充斥著芝士，Hmmm🤤
侍应提醒我地要快啲食、因为啲芝士会冻得好快。至于龙虾，爽口弹牙、爱好者如我永远嫌少不嫌多，呢个组合简直系comfort food之选，食完真系觉得好满足。
Smoked Salmon Carbonara同样地喺个车呔上面碌呀碌，但由于本身Carbonara里面有Bacon同埋烟三文鱼，所以令到成碟意粉更加野味，好食到连条脷仔都想吞埋。
总结：系一个好地方同朋友聚会，坐得舒服、嘢好饮、嘢好食。会想试埋其他菜式、但当然都系会拣返Super Monday嚟帮衬啦🤗
张贴
