麵包空間

营业中

休息中

上次同事买咗呢度嘅饺子包，我觉得劲好食，所以今日我都特登过嚟自己买定啲过嚟俾屋企人食！呢间面包舖喺何文田爱民邨入面，舖位其实都几大，最主要系佢后面就系面包工场，真正嘅新鲜出炉！呢度其实都好多选择，我行完一阵之后就决定要一个车打芝士吐司，因为妈咪超钟意芝士，所以佢一定会钟意食呢个做早餐，拎上手好有重量，但系手感都好松软，相信用上日本面粉整嘅，都唔会差得去边，真系好期待！之后就到我特登嚟买嘅汤种系列面包饺子包！本身以为咁快卖晒，吓亲我，点知原来收藏咗喺角落头仲有两个剩，即刻全部买晒！食完之后真系爱上汤种面包，好湿润好正！佢个外型咁似一个饺子，用嚟打卡绝对好吸睛！呢度嘅自家制奶茶都唔错，好滑好香浓！