Pan da Cafe

营业中

休息中

放假约埋几个好友去一齐放松吓，就决定入西贡玩，好耐以前当大家仲系学生嘅时候都会周不时嚟西贡一齐玩，但系好耐都冇试过噜，不过好彩有一个朋友其实早前搬咗入嚟西贡，所以对呢边更加熟悉，就可以介绍一啲比较地道嘅小店俾我哋食，今次就约咗呢间餐厅食brunch，真系超有惊喜！呢间餐厅嘅装修好有特色，一入到嚟已经好有feel，餐厅入面仲有啲珍藏系张国荣、陈百强等呢d名人嘅签名黑胶，都有小小感动架见到咁多罕有嘅记念品~估唔到连嘢食都咁好食，我哋叫咗几样嘢，但系我觉得最好食嘅就系全日早餐同三文鱼鲜菌全日早餐。最令我开心嘅就系呢度个奇异果真系超级清甜，加埋啲蛋炒得好靓，相当滑，连bacon都系crispy个种！三文鱼系用咗烟三文鱼，香口，调味亦都刚刚好，唔会死咸。嚟得食brunch就当然会叫咖啡啦，所以我哋叫咗一杯latte同焦糖奶咖啡。两杯都好香滑，我自己就比较钟意加咗焦糖嘅，因为佢有啲甜甜地，但系又唔会覆盖左咖啡嘅香味～到最后就叫咗一个心太软大家分享，一上枱已经劲香，切开𠮶下入边真系留心嘅，朱古力亦都好香浓！