壽司郎 (樂富廣場)

营业中

休息中

圣诞节正日，应承咗屋企人会带两个小朋友出去玩等屋企人可以趁着节日放下假唔使凑小朋友，唔知点解啲小朋友都好钟意食寿司，咁就唯有一早出门口去攞飞排队等位。大概11:00左右去到，已经要等100个号码。由于限时60分钟，所以其实等左个半钟左右就已经有位。寿司嘅种类都唔算少，你可以拣回转又或者用佢哋嘅平板电脑拣选自己钟意食嘅寿司，鱼生类嘅寿司食落都算新鲜，我哋就拣咗大拖罗，都算几肥美。呢款海鳗入口即溶。如果系小朋友佢哋都有好多唔同嘅选择，例如有腐皮寿司玉子寿司亦都有蟹柳寿司。另外佢哋系仲有乌冬拉面或者其他炸物供应。整体来讲我会推介大家净系食寿司，因为佢哋嘅炸物系比较失色。