Seoulmate Cafe (已搬遷) 新店位置

呢期每个月首个礼拜六搭地铁都有优惠，趁优惠期间，就同老公过海觅食。我哋嘅目标其实系一间近期爆红嘅台湾餐厅🤗由于人头涌涌有排等，所以一于试埋呢间响隔离嘅甜品Cafe。一边食一边等。呵呵！我哋叫咗好多人推介嘅甜品——亚猪妈紫薯年糕多士大战雪糕！（叫餐𠮶阵好似读急口令，哈哈！ ）我系一个紫薯控，我老公就连甜品控都不是！卖相唔使多讲，相机食先，大家有眼睇。😜我急不及待切开块多士，哗！外脆内软，多士够脆，年糕同紫薯嘅份量比例啱啱好，连老公都话好味！不过啲紫薯味再浓啲就更好。雪糕同多士真系有得fight! 清新的豆腐味，中和番紫薯年糕嘅腻感。雪糕细滑，唔太甜！一啖雪糕加一啖多士，难分高下！再加埋面头啲果仁，成个甜品有层次感。如果你钟意食重口味嘅甜品，呢一款就未必啱你。同埋呢款雪糕要用力切先至切得开，坚系大战雪糕 😅慢慢叹完个甜品，就准备食下一餐！