Sweet Monster (已結業)

食过几间不同分店，感觉呢间卫生环境较好，而且系朗豪坊商场内，亦方便同朋友边行街边食。今次拣左「焦糖爆谷雪糕」同「原味奶昔」，首先雪糕加爆谷真系好夹，一试难忘！本身奶味已经够香甜，再加埋雪糕，食落去有种啖啖透心凉既感觉🍦。而奶昔会更加突出奶味香浓同埋香滑的感觉，对于鲜奶控奶昔系必试之选。建议可以试埋「芝士焦糖爆谷」或者期间限定产品，因为芝士同焦糖真系绝配同埋每次限定味道都好特别，我都买左一盒返屋企边睇戏边食，盒子细细但份量都几多，一盒足够睇一场戏。