甜館

营业中

休息中

土多啤梨杂果窝夫配绿茶雪糕(外卖) $41唔知大家会唔会觉得食完晚饭之后唔食埋甜品就好似唔完整咁呢？我就系个咁嘅人。同朋友喺附近食完饭之后，因为我要求要食甜品，所以佢就陪我黎食试下呢间。铺头唔大，大约容纳到20个人，而且装修都几靓几整齐。铺头出面已经贴左menu，睇相都几吸引下。不过一入到去，只系迟疑左几秒，即刻俾个店员问我地要食咩。我地当堂呆左，不过唯有都系攞个menu黎拣野食，以为呢度嘅policy系拣完先坐低。点知嗌完，个店员就俾左张外卖劵我地，要我地等约10分钟。我地完全反应唔切，就咁就俾人屈左我地叫外卖，冇得舒舒服服坐系度食，仲要收多我地一蚊。不过都俾左钱，冇理由唔食，又冇得转堂食，唯有死死地气等野食到。个窝夫就算摆左落胶盒，卖相都几靓嘅，而且将雪糕分开黎摆。雪糕系好食嘅，绿茶味好重。士多啤梨酱都ok，有咬到一粒粒果肉。其余嘅就真系唔合格。窝夫劲硬，好似食紧饼干咁，同外脆内软𠮶d争成条街。杂果分量就太少。呢个窝夫唔値$40，而且服务态度又差，以后都唔会再黎。