Sweets House Cha Cha

营业中

休息中

食完北京烤鸭转场食甜品，去左City'super嘅Sweets House Cha Cha，好耐冇黎。见到Sweets House Cha Cha有新口味产品，系日本黑芝麻系列，一定要试吓。日本黑芝麻吉士大判烧 $20烧饼有个可爱笑脸，外皮少少脆，入面黑芝麻吉士无论质地定味道都完全符合预期，分量都颇足。只系温度得微微暖，热啲就好啦。日本黑芝麻酱牛奶软雪糕 $48日本黑芝麻酱系日本百年老店传统人手焙煎技术磨碎而成，黑芝麻味坚香浓，牛奶软雪糕本身又厚身又滑，牛奶味又香浓，加埋黑芝麻酱就更加正，好夹。杯装黑芝麻酱会多啲，抵食啲。雪糕上面两块威化又甜又薄脆。唔错唔错！呢个价钱份量都唔少。双色窝夫 $68惊食抹茶雪糕会训唔著，叫左牛奶软雪糕同牛奶软雪糕既双色窝夫，加$10加日本黑芝麻酱。牛奶软雪糕份量好多，质素都系一流！加埋黑芝麻酱就更加无得弹！配3粒冇馅白玉丸子，质素可以，仲有1粒栗子同红豆蓉。红豆蓉都系配抹茶夹d。窝夫都好薄脆，算好食既。清嗮所有雪糕超饱！呢个价钱份量都算唔错。总括而言，日本黑芝麻系列值得一试，而呢度既牛奶软雪糕质素真系几好。服务员服务态度都唔错。