Sweets House Cha Cha

营业中

休息中

经过见到有农历新年嘅软雪糕口味，好吸引㖞，即刻试吓先。日本淡雪士多啤梨 Deluxe Soft Cream $68日本淡雪士多啤梨 Deluxe Soft Cream卖相好唔错。日本淡雪士多啤梨足有3粒，好抵食㖞。最底有两粒淡雪士多啤梨，上面加满牛奶沟淡雪士多啤梨味嘅软雪糕，带淡淡粉红色，再伴多一粒淡雪士多啤梨，上面加上士多啤梨果酱，一块好薄脆嘅脆饼同一片薄荷叶。味道方面，一入口就食到淡雪士多啤梨味道，软雪糕质感一贯浓滑，不过越食就越黎越淡味，因为俾士多啤梨果酱嘅酸甜味淹盖。淡雪士多啤梨唔甜，反而觉酸。呢杯雪糕都系只啱打卡，食落唔太好食。芝麻吉士大判烧 $20顺便又买返个大判烧食先。大判烧买4送1，4个芝麻吉士送一个$18，拣左红豆。店员话芝麻吉士大判烧刚出炉，不过只系暖暖哋，唔够热，外皮又唔脆，个饀就够多芝麻吉士，差左㖞。总括而言，今次食嘅两样食品都几令人失望㖞。要隔好一排先再黎。