更多
2020-08-10
222 浏览
同朋友食饭庆祝生日,拣左系颂富站T TOWN既天鸟居酒屋,够哂就脚!落车行5分钟都唔洗就到!午市都咁多人,黎迟一步都怕要等位!午市餐牌外,仲可以自己拣野食,款式够多又唔贵!先黎一个午餐鱼生饭,用料有几多唔洗我多讲,鱼生最紧要够新鲜,唔系既话就几多料都无用!三文鱼腩刺身新鲜又大够!超高质鱼生饭!串烧唔会太咸,牛舌够哂爽口,肉汁又够多,十分JUICY!烧鸡肝都十分JUICY,唔会烧得太干太硬!烧鸡肾就超级爽口,咬落去真系啖啖都"嗦嗦"声,钟意食鸡肾既一定要试下!寿司同样高质,旧鱼够大旧,饭既醋味,温度都整得好好,又唔会太大旧,同朋友都十分满意呢餐午餐!
张贴