影片
更多
2020-05-12
70 浏览
朋友介绍 T Town 呢间新开嘅日本餐厅俾我，佢话呢度 CP 值超高，今日过开嚟呢头就入嚟试吓。绢豆腐樱花虾温泉玉子沙律，绢豆腐嘅豆味同平时食开𠮶啲豆腐确实有好大分别，绢豆腐豆味更浓，口感更加滑身，配埋本身都好滑溜嘅温泉蛋，再加上樱花虾嘅吊味，一整个就系超级正。土佐豆腐，土佐豆腐炸得外皮酥脆，上枱嘅时候仲要摊冻一阵先可以摆到入口，真正嘅即叫即制，昆布酱油汁里面竟然有为数唔少嘅冬菇片，亦令整个食感更上一层楼。特大海赤虾寿司，特大赤海虾几乎有我只手板咁长，用料新鲜口感自然爽口弹牙，赤海虾上面嘅黑鱼子更加系画龙点睛，带出咗赤海虾嘅鲜甜味道。双重芝士海鲜大虾反卷，大虾蘸上薄薄嘅一层炸浆之后以猛火油炸，即使被饭粒包覆住同食都仍然能够感受到佢个脆度，双重芝士加沙律酱后被轻轻火炙，更添香味。串烧免治鸡肉，免治鸡肉口感嫩滑，够哂入味，最欣赏佢里面有好多软骨，喺嫩滑中更见咬口，我好钟意呢个脆卜卜嘅口感，配合捣拦嘅日本蛋蛋浆一齐食味道更丰。临走发现餐厅宜家搞紧个啤酒祭骰子游戏，掷两粒骰，单数享有半价优惠；双数都无蚀底可以用原价嗌多一杯；而掷到两粒点数一样𠮶杯啤酒就免费架喇，下次无揸开车一于过嚟玩吓。
朋友介绍 T Town 呢间新开嘅日本餐厅俾我，佢话呢度 CP 值超高，今日过开嚟呢头就入嚟试吓。
绢豆腐樱花虾温泉玉子沙律，绢豆腐嘅豆味同平时食开𠮶啲豆腐确实有好大分别，绢豆腐豆味更浓，口感更加滑身，配埋本身都好滑溜嘅温泉蛋，再加上樱花虾嘅吊味，一整个就系超级正。
土佐豆腐，土佐豆腐炸得外皮酥脆，上枱嘅时候仲要摊冻一阵先可以摆到入口，真正嘅即叫即制，昆布酱油汁里面竟然有为数唔少嘅冬菇片，亦令整个食感更上一层楼。
特大海赤虾寿司，特大赤海虾几乎有我只手板咁长，用料新鲜口感自然爽口弹牙，赤海虾上面嘅黑鱼子更加系画龙点睛，带出咗赤海虾嘅鲜甜味道。
双重芝士海鲜大虾反卷，大虾蘸上薄薄嘅一层炸浆之后以猛火油炸，即使被饭粒包覆住同食都仍然能够感受到佢个脆度，双重芝士加沙律酱后被轻轻火炙，更添香味。
串烧免治鸡肉，免治鸡肉口感嫩滑，够哂入味，最欣赏佢里面有好多软骨，喺嫩滑中更见咬口，我好钟意呢个脆卜卜嘅口感，配合捣拦嘅日本蛋蛋浆一齐食味道更丰。
临走发现餐厅宜家搞紧个啤酒祭骰子游戏，掷两粒骰，单数享有半价优惠；双数都无蚀底可以用原价嗌多一杯；而掷到两粒点数一样𠮶杯啤酒就免费架喇，下次无揸开车一于过嚟玩吓。
张贴
