THAIPEI (已結業)

呢间店个名叫Thaipei 应该系 “Taipei” + “Thailand”嘅意思 Taipei 同埋Thailand crossover 都几特别丫 原本店舖已经唔算大嘅Thaipei 喺禁聚令下可以提供给客人嘅座位就更加少 我哋平日午餐时间去食 坐低冇耐就已经见到门口有人龙 好彩我哋早啲去咋⠀⠀午市餐牌上有台式和泰式食物供应 每一份套餐跟一杯饮品(有啲饮品系要另加钱嘅) 我想食嘅冬阴汤面冇得食🤷🏻‍♀️ 于是就叫咗碗 Thaipei 招牌船面 (好似系HKD88) 四款面类我拣咗台湾新竹米粉 (呢个配搭我真系第一次试😝) 船面个汤底好正！浓浓嘅牛肉汤味应该系用咗好耐时间同埋秘制材料熬制先可以做出咁嘅味道😋 台湾新竹米粉吸咗啲牛肉汤 因此味道更加突出呢 船面材料丰富 谂起又想再食⠀⠀另一碟系泰式炒河粉份量非常大份又足料 到最后我哋食唔晒要拎走啊不过我觉得有样嘢店舖要注意一下 就系卫生嘅问题 喺我哋点完餐等紧食物上枱期间有一位讲国语嘅男士 (我估系老板啦) 行咗入店 喺冇戴口罩嘅情况之下训示员工话枱凳嘅摆设会令到想买外卖嘅食客唔方便 店员俾𠮶位男人话完之后就过嚟同我地讲叫我哋移一移位