cookedDeli by city'super (已結業)

某年某月某日，于尖沙咀区觅食，途经海港城，谂住走上food court望一望，点知就喺food court出面见到外卖部，一盒一盒嘅寿司栩栩如生，好似好好食咁！于是就忍唔住买咗一盒返公司浅尝。今次我买咗呢盒叫做腐皮寿司，除咗腐皮寿司之外佢仲有几件寿司卷寿司卷。个卖相系点我都唔讲太多，大家自己睇相啦餐后感：系我角度来讲寿司应该系细细件好似精品咁俾大家摆落口，等大家可以仔细品尝鱼生果种鲜味。今次呢个腐皮寿司加不知名寿司卷，份量绝对充足，仲要十分大件！不过对于食鱼生鲜味嘅角度来讲就有少少欠奉，因为配料太多，有飞鱼子有熟蛋有青瓜有三文鱼有鱿鱼，变相突显唔出鱼生嘅鲜味。加上仲有一件寿司卷有少少散，佢有一部份嘅饭系跌咗出嚟。总结而言，以$55嘅价钱去品尝寿司，我觉得还可接受不过不失。