Flame at Towngas Avenue (已結業)

响社交平台见到呢间餐厅复活节有优惠，凡惠顾指定餐小朋友就可以免费食儿童餐，最好就系外卖一样得，宜家呢个时候都少咗带细路出街。今晚老公去买返屋企食，中港城有一个钟免费泊车，所以可以泊好车先。一拎到返屋企，亚女已经急不及待😆，虽然系外卖，但卖相都唔差播。儿童餐都好丰富呀，亚女都食唔哂，复活节特别加送嘅🐣鸡仔沙律亚女唔舍得食😅。份大人餐龙虾汤好鲜味，睇返餐牌，个甜点品叫杂莓冰粉配冲绳黑糖浆，有啲似蒟蒻，好清甜，唔错唔错。主菜米兰砵酒炖牛膝好大份啊，屋企都可以食咁丰富西餐好满足！