Mo Mo Kushiage (已結業)

朋友拣左呢间居酒屋同我食生日饭，话岩晒钟意饮返2杯既我地。朋友book左19:30，店员安排我地坐系靠窗位置， 个景咁靓，当然立即拣返枝酒饮下轻松下。原来餐厅做紧优惠，生啤买一送一，sake 300ml会照价减$50，700ml买一送一。店员推荐后，我地拣左枝作直汲原酒， 无滤过清酒。枝酒味道清爽顺喉易入口，又有淡淡果香，冷饮真系一流。前菜蔬菜条，配返餐厅提供既酱汁，几开胃餐前小食叫左个烧鱼翅。烧鱼翅唔系周围都有得食，见到几特别就order黎试下。鱼翅烧得香脆又好惹味，送酒一流食完前菜就紧系叫返啲餐厅主打串扬试下啦。梅水晶咸咸酸酸脆脆好开胃鹌鹑髀肉 &日本鳝鱼啖啖肉又唔会炸到太干身，鳝鱼弹牙👍🏻真心唔错。鲱鱼子昆布&荷兰豚肉卷鲱鱼子炸过好香口，咬落一粒粒脆脆咁，几得意。豚肉卷烧得几好，咬落几juicy 。餐厅野食唔错，又可以饮返杯，岩晒想慢慢倾吓偈既朋友。