影片
更多
2021-12-29
45 浏览
见今日咁得闲，就约埋朋友一齐嚟试吓地点系旺角够晒方便嘅楼上💛店。我哋两个人叫咗一个餐，就包左蘑菇汤同埋南瓜汤，前菜就拣咗香橙柚子烟鸭胸沙律同埋紫菜鸡卷，我哋叫咗一个去骨烧春鸡加肉酱意粉，仲有BBQ慢煮猪肋骨，嘢饮就叫咗个桂花顶级国宝茶同埋白桃蓝蝶花。蘑菇汤可以见到好足料，饮得出有好浓郁嘅蘑菇味，至于南瓜汤，南瓜够晒甜，系呢一个冻冰冰嘅冬天饮翻一碗热辣辣嘅南瓜汤真系零舍暖胃。至于个烟鸭胸可以见到厚度啱啱好，食落去好嫩，唔会有骚味，配埋柚子嘅酸甜味真系开胃前菜嘅首选。另一个紫菜鸡卷，我朋友食到停唔到口，差啲想净系嗌呢个鸡卷嚟食。因为佢入边嘅鸡非常之嫩滑，食落去完全唔觉得自己食紧鸡，再加上够晒大件，配埋紫菜呢个配搭够晒新奇，但系又无敌咁夹呀。另外嘅烧春鸡同埋猪肋骨真系一定要影晒相先好食，唔打卡就嘥晒喇。烧春鸡够晒入味，净系食啲鸡肉都食到有好香嘅味，因为慢煮嘅原因，鸡脾肉嫩滑就一定㗎啦，但系估唔到连鸡胸都唔鞋，正呀！仲加埋肉酱意粉就算有几大食，好似我咁都唔惊食唔饱啦。配埋呢个猪肋骨有重重嘅烧烤酱味，我谂可能面头加咗蜜糖，所以食落去甜甜地非常好味。非常之推介呀！食完野一定要饮杯茶解下腻嘅。桂花顶
我哋两个人叫咗一个餐，就包左蘑菇汤同埋南瓜汤，前菜就拣咗香橙柚子烟鸭胸沙律同埋紫菜鸡卷，我哋叫咗一个去骨烧春鸡加肉酱意粉，仲有BBQ慢煮猪肋骨，嘢饮就叫咗个桂花顶级国宝茶同埋白桃蓝蝶花。
蘑菇汤可以见到好足料，饮得出有好浓郁嘅蘑菇味，至于南瓜汤，南瓜够晒甜，系呢一个冻冰冰嘅冬天饮翻一碗热辣辣嘅南瓜汤真系零舍暖胃。
至于个烟鸭胸可以见到厚度啱啱好，食落去好嫩，唔会有骚味，配埋柚子嘅酸甜味真系开胃前菜嘅首选。
另一个紫菜鸡卷，我朋友食到停唔到口，差啲想净系嗌呢个鸡卷嚟食。因为佢入边嘅鸡非常之嫩滑，食落去完全唔觉得自己食紧鸡，再加上够晒大件，配埋紫菜呢个配搭够晒新奇，但系又无敌咁夹呀。
另外嘅烧春鸡同埋猪肋骨真系一定要影晒相先好食，唔打卡就嘥晒喇。
烧春鸡够晒入味，净系食啲鸡肉都食到有好香嘅味，因为慢煮嘅原因，鸡脾肉嫩滑就一定㗎啦，但系估唔到连鸡胸都唔鞋，正呀！
仲加埋肉酱意粉就算有几大食，好似我咁都唔惊食唔饱啦。配埋呢个猪肋骨有重重嘅烧烤酱味，我谂可能面头加咗蜜糖，所以食落去甜甜地非常好味。非常之推介呀！
食完野一定要饮杯茶解下腻嘅。桂花顶级国宝茶一拎上嚟已经闻到好香嘅桂花味，饮落口一啲都唔苦涩，好顺滑，仲有啲花香同埋清甜嘅茶味，正！
张贴
