綠林甜品

营业中

休息中

一向劲钟意食中式传统糖水既我，上星期日见到大台有个节目介绍绿林甜品，标榜凉粉系人手整，好似好吸引咁，就去试下。当晚十点去到已经人头涌涌，门口有位女士买外卖声称等左一个钟都未有，似乎大台既威力好强劲。好在我系The Gulu见到佢有得拎定飞先唔洗等咁耐。总共叫左三样甜品，分别系芒果凉粉、川贝炖雪梨同糖不甩。首先讲下个凉粉，大台介绍话佢个凉粉系人手做，每日要用7-8个钟整，系少啲心机都唔得。啲凉粉食落口都知系坚人手做，淡淡既凉粉味，无平时街买一砖砖既凉粉或者其他连锁铺头咁甜，吞左之后仲有阵阵既甘味系口徘徊。诚意十足！但系个炖雪梨同糖不甩就无咩特别。如果系凉粉爱好者可以不妨一试，但如果要排半个钟至九个字先食到既话我就觉得唔太值得了。