新泰東南亞餐廳

营业中

休息中

7十几蚊系TST想揾个地方坐得舒服，食物又大份，呢到推介俾大家! 套餐有7款选择，包热饮，另外+廿几蚊仲有3款小食菜色。我地今次叫左冬阴公海鲜金边粉❤汤底味浓，好足料，好香香茅同南姜味，用料十足，酸辣岩岩好，不过留意返，如果想要个青柠要另外收费，配料方面有菇 海鲜，我地连汤都饮哂。越式蟹肉炒粉丝😄 蟹肉如果份量再多D就更好了，入面有有干蒜 三色椒 萝卜丝等等，即叫即炒够哂镬气。几惹味香口，粉丝炒得清爽，唔油腻。再加多2份泰式炒什菜❤够哂满足。另外，再叫多份蕉叶烤鲈鱼❤烤香鱼味涌哂出黎，鲈鱼鲜味十足，多汁嫩滑，零腥味，鱼身塞满香茅等香料，令鱼肉更浓郁入味，必点。