土司工坊 (已結業)

工作忙，难得偷到时间tea 一 tea。同事提议叫外卖，我反对，因为由餐厅整好啲嘢食至到送到上来，其间又要行又要等升降机，搞得嚟起码半粒钟，啲嘢食一定冻晒，唔好食。所以，我反建议出去食，反正有时间。我哋去咗新世纪专食土司嘅餐厅，揾到位坐就去买嘢食。我自己买咗一个传统土司套餐 $34。一个餐里面有(1) 两件牛油Kaya 土司、(2) 两只半熟蛋或煎蛋和 (3) 一杯饮品。我拣咗半熟蛋和南洋热咖啡。【半熟鸡蛋】半生熟鸡蛋系呢度的招牌小食，生熟程度要掌握得好，否则个精髓食无咗。加些甜酱油和胡椒粉，就可以食，一啖就啜晒入口，好过瘾!【牛油Kaya 土司】先将方包去了四边面包皮，然后再烘到少少㶶，再搽上牛油和kaya 酱。牛油和 kaya 酱非常夹，香香甜甜，加埋烘脆了的土司，又成为另一特色小食，好好食。【南洋热咖啡】加咗炼奶的咖啡，所以会较甜一点，都系好饮嘅。有人话，偷得浮生半日闲。我就话，hea 番半刻，叹下茶。爽!