Beirut (已結業)

今日过中环有啲文件要处理，完咗之后揾个朋友tea一tea，位于威灵顿街兰桂坊附近嘅《Beirut》下午茶时间有好嘢食。兰桂坊晚上热闹非常，呢个酒吧区都会挤满游客及上班族，大家来轻松下饮两杯，发光餐牌方便晚上昏暗的灯光下点菜。原本谂住点个seafood pizza，见到呢个印度风味几特别，Paneer Tikka Pizza(印度风味烤芝士意大利薄饼)~芝士味唔会太浓，饼底好够脆，味道唔错，几正！Grilled Moroccan Lamb Lollipops(摩洛哥烤纽西兰羊架)~卖相劲吸引，烤羊架嘅香气扑鼻，已经令人垂涎欲滴，配石榴汁薯蓉，仲有大大件嘅蔬菜- 青瓜、甘笋等，份量都够两三个人。1664啤酒~虽然是下午茶时段，朋友都忍唔住叫支啤酒啤一啤，欣赏下街外嘅雨景。