影片
更多
2014-01-19
20290 浏览
一月之星生日, E5小组又要搞吓饭局... 年关将至, C9级忙得不可开交, 大家都可以夹到日子出来相聚, 难得, 难得...寿星想食Tea Buffet, 拣咗美丽华酒店入面的Yamm... 其实我今日系第一次来, 久闻Yamm的大名, 当年刚开业时好想要2个月前订枱, 当时都好想一试, 后来听很多人都说差了, 我亦打消念头... (朋友今日提醒我, Yamm舖位的前身我地有食过, 讲讲吓又有点印象)Tea Buffet 3:30PM开始, 我早了5分钟到, 门外塞满人, 有2条人龙分支, 亦有些人企得乱作一团... 我向Receptionist表示已订枱, 佢话Buffet未开始, 叫我排队, 但现场超级混乱, 不知那一条队才是真的, 不想被现场人士误会我想打尖, 唯有逐一问问, 经我一问, 大家都惊觉自己排的位置有风险, 一瞬间, 混乱的双人龙拼凑成一条简单的人龙... 数分钟后, 鱼贯入场...被安排到半圆形梳化就坐, 朋友叫了出来... 正!!! 其实不是太正, 我明明坐系梳化边, 方便出去取食物, 不知何解, 回来时被寿星霸了... 咁... 人地系寿星, 无计, 让下佢喇
寿星想食Tea Buffet, 拣咗美丽华酒店入面的Yamm... 其实我今日系第一次来, 久闻Yamm的大名, 当年刚开业时好想要2个月前订枱, 当时都好想一试, 后来听很多人都说差了, 我亦打消念头... (朋友今日提醒我, Yamm舖位的前身我地有食过, 讲讲吓又有点印象)
Tea Buffet 3:30PM开始, 我早了5分钟到, 门外塞满人, 有2条人龙分支, 亦有些人企得乱作一团... 我向Receptionist表示已订枱, 佢话Buffet未开始, 叫我排队, 但现场超级混乱, 不知那一条队才是真的, 不想被现场人士误会我想打尖, 唯有逐一问问, 经我一问, 大家都惊觉自己排的位置有风险, 一瞬间, 混乱的双人龙拼凑成一条简单的人龙... 数分钟后, 鱼贯入场...
被安排到半圆形梳化就坐, 朋友叫了出来... 正!!! 其实不是太正, 我明明坐系梳化边, 方便出去取食物, 不知何解, 回来时被寿星霸了... 咁... 人地系寿星, 无计, 让下佢喇... 进出要2旁的人起身就已经够不方便, 枱面太低梳化太高令我移出来时举步为艰才是大问题...
食物选择不少, 寿司、即制薄饼、即制粉面、即制三文治、即切烧鸡、即制炒雪糕 、沙律、甜品、生果、热荤...
烟肉意粉、鸡翼、鸡软骨串、纽伦堡肠都好味, 汉堡扒干争争味道不太好...薄饼好咸... 即制三文治好好味, 面包脆身, 咸牛肉同青瓜同羊奶芝士出奇地夹...
三文鱼寿司OK新鲜, 冷面面身太腍, 汤汁太咸...
炒雪糕几特别, 我混咗热情果芒果+咖啡, 都OK夹㖞... 有客人路过问炒完系咪仲系冻的, 厨师呆一呆答"当然系冻"... 好好笑, 唔通佢会觉得可以热食?!!
甜品中以Tiramisu同朱古力梨批最出色... Tiramisu真系用手指饼做, 口感既松软Cream又幼滑, 咖啡酒与朱古力粉味道平衡得好... 椰汁桂花糕全是椰汁味, 怕怕... 朱古力蛋糕味道香浓, 口感细密...
生果以菠萝较出色, 果香浓郁, 甜度相当高... 玻璃杯盛载的南瓜冻汤咸咸的, 好怪...
沙律到我取时已所余无几... 选择不多, 亦没有特别出色的...
再来一Round雪糕, 要快!!! 唔要慢慢炒!!! 朱古力味及咖啡味均超级香浓, 好好味... 热情果芒果真系酸到震...
最后一Round的甜品, 味道不成, 不吃也罢...
Buffet时间未完, 店员已迫我地埋单, 付好款后, 仍未够钟的, 已全场关灯, 更连环催赶, 好绝呀!!!食物没有一样是好好好味, 必必必吃的, 价钱不便宜, 时间亦不足, 无理据支持我重来...
张贴
