影片
更多
2020-06-22
349 浏览
Let’s Jam!今日约左friend 5点，去左「一起果酱」食。朋友早左放工，见餐厅有下午茶食，去到6点，就试下。入座计限时90分钟。黎呢度梗系要食佢嘅果酱多士啦。但食之前都要食d主食先。黄金蟹肉软壳蟹意粉食到好香蛋黄咸香味。蛋黄混入意粉中，食意粉嘅时候食到蛋黄粉粉地嘅口感。软壳蟹几大只，蟹肉都几多。我同两个朋友分，每人都食到起码三啖。龙虾汁海鲜意大利饭都几多海鲜，有两只青口、两只虾同一粒带子。青口同虾插喺饭上面，卖相几靓。虾好大只，肉够实，好新鲜。最想赞嘅系个饭好多蚬肉，啖啖饭都食到。嗌左两个甜品：果酱九宫格多士同埋果酱雪糕窝夫饼。甜品师傅喺果酱九宫格多士上面切好左9格，分别摆左9只味嘅果酱。我自问不是金舌头，实在不太分辨得到每一格的果酱是什么味。我和朋友共三个人，刚好每人吃三格。我只试得出其中一只果酱是肉桂苹果味。边吃边尝试分辨果酱的味道都颇有趣的。果酱雪糕窝夫饼拣左蛋黄菠萝味，真系食到蛋黄同菠萝两只味，一咸一甜，估唔到蛋黄同菠萝嘅味出奇地夹。但可能因为用左罐头菠萝所以觉得甜。如果用新鲜菠萝应该会酸d。菠萝份量足够四块窝夫分。个云尼拿雪糕好大球呀。有四块窝夫，份量好多呀！窝夫好
今日约左friend 5点，去左「一起果酱」食。朋友早左放工，见餐厅有下午茶食，去到6点，就试下。入座计限时90分钟。
黎呢度梗系要食佢嘅果酱多士啦。但食之前都要食d主食先。
黄金蟹肉软壳蟹意粉食到好香蛋黄咸香味。蛋黄混入意粉中，食意粉嘅时候食到蛋黄粉粉地嘅口感。软壳蟹几大只，蟹肉都几多。我同两个朋友分，每人都食到起码三啖。
龙虾汁海鲜意大利饭都几多海鲜，有两只青口、两只虾同一粒带子。青口同虾插喺饭上面，卖相几靓。虾好大只，肉够实，好新鲜。最想赞嘅系个饭好多蚬肉，啖啖饭都食到。
嗌左两个甜品：果酱九宫格多士同埋果酱雪糕窝夫饼。
甜品师傅喺果酱九宫格多士上面切好左9格，分别摆左9只味嘅果酱。我自问不是金舌头，实在不太分辨得到每一格的果酱是什么味。我和朋友共三个人，刚好每人吃三格。我只试得出其中一只果酱是肉桂苹果味。边吃边尝试分辨果酱的味道都颇有趣的。
果酱雪糕窝夫饼拣左蛋黄菠萝味，真系食到蛋黄同菠萝两只味，一咸一甜，估唔到蛋黄同菠萝嘅味出奇地夹。但可能因为用左罐头菠萝所以觉得甜。如果用新鲜菠萝应该会酸d。菠萝份量足够四块窝夫分。个云尼拿雪糕好大球呀。有四块窝夫，份量好多呀！窝夫好厚，好松软，口感烟韧。伴碟有士多啤梨，重有切成片嘅苹果同奇异果。苹果好爽口。
黎cafe点可以唔叹下茶呢。茶有好多款选择，见到其中一款茶名叫「南非国宝茶」，我同朋友都觉得个名几特别就决定试一试。很喜欢透明玻璃茶壶和透明玻璃茶杯。茶壶下面还有蜡烛保持茶温，不用担心茶放久了会变冷。这款茶闻起来有甜味，很香，喝起来味道就跟普遍的茶一样，易入口。但朋友说有点儿像京都念慈奄。我就不觉得。你们下次惠顾时试试吧！最开心系可以无限添饮～😍我超钟意饮茶。无限添饮啱晒我呢个茶怪，我觉得我可以饮茶饮到天荒地老～🥰一边叹茶一边同朋友倾计，好chill呀～
张贴
